ПОЧИТУВАНИ 

ОД ПЕЧАТ ИЗЛЕЗЕ

ПРИРАЧНИКОТ ЗА СМЕТКОВОДСТВО СПОРЕД МСФИ/МСС

Согласно Соопштението на Д.З.С. број 4.1.13.36 од 02.05.2013 година, коефициентот за МДБ за април 2013 година е 1,1%.

Правото на пораст на платите за април 2013 година за субјектите кои го применуваат Законот за исплата на плати во РМ изнесува 0,65%.

Согласно со Законот за празниците („Службен весник на РМ“ број 21/98 и 18/07), неработни денови во мај се:

- 24-ти мај 2013 година - петок - „Свети Кирил и Методиј“ - Ден на сесловенските просветители

Согласно со Законот за работните односи работодавачите имаат обврска за секое воведување на прекувремена работа, воведување на работа за време на државен празник, за несреќа на работа, за започнување со вршење на дејност, за започнување на градежни работи, како и за ангажирањето на работници за ноќна работа, претходно писмено да го известат подрачниот државен инспектор на трудот, односно да достават писмена пријава до Државниот инспекторат за труд, во законски утврдениот рок. За поедноставување на целата постапка Министерството за труд и социјална политика овозможи пријавувањето да се врши и по електронски пат на e-mail: prijava@mtsp.gov.mk.

Пријавата треба да биде испечатена, пополнета со потребните податоци, со потпис и печат на правниот субјект и скенирана да биде испратена до Инспекторатот за труд.  Подетално...

Правото на отпис на камати на достасани обврски по основ на придонеси од задолжително социјално осигурување кои настанале во 2009 година заклучно со 2012 година, се остварува со поднесување на Барање на образец „БОК-ПЗСО“. повеќе...

Согласно соопштението на ДЗС број 4.1.13.27 od 01.04.2013 година, коефициентот за месечната аконтација на данокот на добивка за месец март 2013 година е 0,9%.

Правото на пораст на платите за март 2013 година за субјектите кои го применуваат Законот за исплата на плати во РМ изнесува 1,05%.

Од 1 јули 2013 год. тримесечните ДДВ обврзници имаат законска обврска ДДВ-пријавите и даночните биланси пропишани со Законот за данокот на добивка да ги поднесуваат до УЈП по електронски пат преку системот е-даноци. повеќе

Согласно измените на Законот за хартии од вредност („Службен весник на РМ“ број 13/2013) и новите Правила за котација на Македонската берза, од 15-ти  март се воведуваат: задолжителна котација и котација на мали акционерски друштва. Обврската за задолжителна котација се предвидува да трае 5 години. Подетално за овие два вида котација можете да прочитате тука...

Согласно со Одлуката на Економско социјалниот совет, минималната плата за 2013 година и понатаму ќе изнесува 8.050 ден. или 12.268 ден. бруто. Минималната бруто плата за 2013 год. за дејностите:

13 - производство на текстил,

14 - производство на облека,

15 - производство на кожа и слични производи од кожа

ќе изнесува 10.990 ден., односно нето 6.859 ден.

Согласно Соопштението на ДЗС од 4.1.13.17 од 01.03.2013 година, коефициентот за МДБ за февруари 2013 година изнесува 1,0%.

Надоместокот за храна и превоз за лицата волонтери за 2013 година изнесува 4.600 денари (30.669 х 15%), согласно објавената просечна исплатена месечна бруто плата по работник во РМ за цела 2012 година од Соопштението на ДЗС бр. 4.1.13.16 од 27.02.2013 година која изнесува 30.669 денари.

При пресметка на придонес за волонтери во МПИН се внесува износ од 612 денари (4% од основицата 15.298).

За пресметка на месечната аконтација на данокот на добивка за месец јануари 2013 година, даночните обврзници на данок на добивка го користат процентот 3,4%.

1. Личното ослободување по основ на лични примања од плата од работен однос и пензија, месечно се утврдува во износ од 7.269 ден. согласно со член 15-а став 2 од Законот.

2. Личното ослободување утврдено во член 10 став 1 точка 3 од Законот, за 2013 година на годишно ниво, изнесува 87.228 денари.

Во образецот МПИН за јануари 2013 година се внесува месечна просечна бруто плата по работник во РМ во износ од 30.595 ден.

Согласно Програмата за обезбедување средства за болничко лекување без наплата на учество (партиципација) за пензионери со пензија пониска од просечната во РМ за 2013 година („Службен весник на РМ“ број 5/2013) пензионерите чија пензија е пониска од просечната во РМ за 2013 година ќе користат болничко лекување без плаќање на партиципација. Согласно Соопштението од ФЗОМ од 17.01.2013 година за месец декември просечната пензија изнесувала 10.870,00 денари.

При користењето на бесплатно болничко лекување потребно е пензионерите да го покажат чекот од пензијата.

Фирмите кои во 2012 година вршеле исплати на граѓани по основ на откуп на земјоделски производи имаат обврска до 15 февруари 2013 година до УЈП да достават Годишен извештај за исплатени приходи при откуп на земјоделски производи од физички лица - ПДД-ГИ/ОЗП. За неподнесување на истиот предвидена е глоба од 2.000 до 3.000 евра во денарска противвредност, а за одговорното лице глоба од 750 евра во денарска противвредност. повеќе...

Согласно Соопштението од Централен регистар на РМ и новиот Правилник за начинот и условите за поднесување на годишната сметка во електронска форма („Службен весник на РМ“ бр. 7/2013), сите видови на субјекти годишните сметки за 2012 година ќе ги доставуваат до Централниот регистар во хартиена форма или преку интернет страницата (on line) на Централниот регистар на РМ. Годишните сметки не може да се доставуваат со оптички медиум - CD.

Според измената на Уредбата за издатоците за службени патувања и селидби во странство што на органите на државната управа им се признаваат во тековни трошоци која се објави во „Службен весник на РМ“ бр. 5/2013, при службени патувања во странство исплатата на намален износ на дневницата во висина од 35% од утврдената дневница продолжува да важи до 31 декември 2013 година.

 повеќе...

Доколку декемвриската плата за 2012 година се пресметува и плаќа во јануари 2013 година, потребно е да ја превземете најновата верзија на клиентски софтвер „МПИН“ преку веб страницата на УЈП (кликни тука). За декемвриската плата од 2012 година потребно е да ги користете стапките на придонеси од здолжително социјално осигурување (од 2012 година) и даночното ослободување (7.470 од 2012 година).

Референтната стапка за пресметување на стапката на казнена камата за периодот од 01.01 до 30.06.2013 година изнесува 3,75%. Едномесечната стапка на ЕУРИБОР објавена на 31.12.2012 година изнесува 0,109%.

Согласно член 14 од Законот за адвокатски маркички („Службен весник на РМ“ број 84/12), за адвокатите запишани во именикот на адвокатите што се води во Адвокатската комора на РМ, престанува обврската од Законот за регистрирање на готовинските плаќања, за воведување и користење на одобрен фискален систем на опрема за регистрирање на готовински плаќања и задолжително издавање на фискална сметка за дадената правна помош.

За постапување спротивно од оддредбите од Законот за адвокатските маркички предвидени се глоби во износ од 2.500 до 5.000 евра во денарска противвредност.

За подетални информации кликнете тука...

КОРИСТЕТЕ ЈА НОВАТА ВЕРЗИЈА НА КЛИЕНТСКИ СОФТВЕР „МПИН“ ЗА ПРЕСМЕТКА НА ПЛАТА ОД 1-ви ЈАНУАРИ 2013 година И СТАПКИТЕ НА ПРИДОНЕСИ ОД ЗАДОЛЖИТЕЛНО СОЦИЈАЛНО ОСИГУРУВАЊЕ повеќе

Во „Службен весник на РМ“ број 168/2012 се објави личното ослободување по основ на лични примања од плата од работен однос и пензија, и истото месечно се утврдува во износ од 7.269,00 денари, согласно со член 15-а став 2 од Законот за персоналниот данок на доход. Годишното лично ослободување изнесува 87.228,00 денари.

Месечното лично ослободување ќе се употребува за пресметка и исплата на бруто плата од 1-ви јануари 2013 година.

Врз основа на дополнувањата на член 476 од Законот за трговски друштва, од 16 март 2013 година, годишната сметка и финансиските извештаи ги попишува сметководителот/овластениот сметководител, при што го наведува датумот на нивното составување и потпишување и регистарскиот број под кој е евидентиран во Институтот на сметководители и овластени сметководители на РМ. Годишната сметка и финансиските извештаи ги потпишува и законскиот застапник на друштвото.

Во „Службен весник на РМ“ број 155 се објавени измените и дополнувањата на Законот за ДДВ, а влегоа во сила од 18 декември 2012 година.

Со најновите измени на Законот за ДДВ, повластена даночна стапка за термални сончеви системи и компоненти, машини за автоматска обработка на податоци и нивни единици (компјутери)  и софтвер за автоматска обработка на податоци и нивни единици (компјутери) ќе продолжи да се применува на неопределно време.

Сите пратки што не го надминуваат износот од 22 евра во денарска противвредност, се ослободуваат од ДДВ при увоз, освен пратките кои се однесуваат на тутун и производи од тутун, алкохол и алкохолни пијалоци, како и на парфеми и тоалетни води.

Исто така, се ослободува од ДДВ прометот на влезници за јавни настани кои се од национален интерес од областа на културата, утврдени и финансирани преку Годишната програма на Министерството за култура.

 Spored ~len 47 stav (1) to~ka 6 od Zakonot za NBRM vo ramkite na negovite ovlastuvawa i zada~i Sovetot na NBRM gi donesuva podzakonskite propisi od nadle`nost na Narodna banka. Soglasno ova Sovetot na NBRM donese Odluka za najniskiot apoen na denarite vo prometot, objavena vo “Sl. vesnik na RM” br. 54/12 koja e vo sila od 5 maj 2012 godina.

Со Одлуката за најнискиот апоен на денарите во прометот се пропишува дека најнискиот апоен на денарите во прометот со кој се заокружува крајната пресметка во готовинскиот и безготовинскиот платен промет и во деловните книги изнесува 1 денар.

Ако при пресметувањето се појават износи кои [то се во распон од еден денар, ќе се заокружува така што:

- износот до 49 дени  ќе се занемарува а

- износот од 50 до 99 дени ке се заокружува на 1 денар 

Оваа одлука ќе се применува од 1 јануари 2013 година.

Забелешка: Согласно оваа одлука сите субјекти треба да извршат усогласување на износиѕте во деловните книги изразени во дени, односно износите од 49 дени да се елиминираат, а износите од 50 до 99 дени да се заокружат на 1 денар.

Почитувани, овде можете да ја погледнете и отпечатите Потврдата која треба да се достави до Министерството за финансии за добивање на трајно или времено уверение за овластен сметководител/сметководител.